Persónuverndarstefna Teya

last updated: May 9, 2023

I. Inngangur

Teya Iceland hf. (“Teya”) er fjármálafyrirtæki sem ber virðingu fyrir einkalífi þínu og skuldbindur sig til að vernda persónuupplýsingar. Persónuverndarstefna Teya mun upplýsa þig um hvernig við förum með persónuupplýsingarnar þínar þegar þú heimsækir vefsíður okkar og notar þjónustu okkar ásamt því að upplýsa þig um réttindi þín og hvernig lögin vernda þig.

II. Mikilvægar upplýsingar og staða Teya

Persónuverndarstefnan miðar að því að veita þér upplýsingar um hvernig Teya safnar og vinnur persónuupplýsingar þínar þegar þú notar vefsíður okkar og þjónustu, þ.m.t allar þær upplýsingar sem þú kannt að veita okkur í gegnum vefsíður okkar og þegar þú óskar eftir að fá sent markaðsefni frá okkur.

Vefsíður okkar eru ekki ætlaðar börnum og við söfnum ekki vísvitandi upplýsingum um börn á vefsíðum okkar.

Teya er ábyrgðaraðili og ber ábyrgð á persónuupplýsingum þínum (hér eftir "Teya" sem “við”, “okkur” eða “okkar”).

Við höfum tilnefnt persónuverndarfulltrúa sem ber ábyrgð á að svara spurningum í tengslum við þessa stefnu. Hafir þú einhverjar spurningar varðandi þessa stefnu, eða aðrar spurningar sem snerta rétt þinn, vinsamlegast hafðu samband við persónverndarfulltrúa með því að senda okkur erindi þitt, sjá neðangreint póstfang og netfang:

Teya Iceland hf.

Bt. Persónuverndarfulltrúa

Katrínartún 4, 105 Reykjavík

Netfang: hjalp@teya.com

Þér er heimilt á hverjum tíma að senda kvörtun til Persónuverndar. Að því sögðu værum við þó þakklát fyrir að fá tækifæri til að leysa málið og mælumst því til þess að þú hafir samband við okkur áður en þú leggur fram kvörtun til Persónuverndar.

III. Upplýsingar sem við söfnum um þig

Persónuupplýsingar eru hvers kyns upplýsingar um persónu eða upplýsingar sem hægt er að nota til að persónugreina einstakling. Hér er ekki um að ræða upplýsingar þar sem auðkennið hefur verið fjarlægt (ópersónugreinanlegar upplýsingar).

Við kunnum að safna, nota, geyma eða flytja ýmsar tegundir persónuupplýsinga um þig, þá í samræmi við þá þjónustu við veitum þér. Hér á eftir eru upptaldar tegundir persónuupplýsinga sem við söfnum:

- Upplýsingar um auðkenni s.s. fullt nafn, notendanafn eða sambærileg auðkenni, fæðingardagur og kyn.

- Upplýsingar um tengilið s.s. heimilisfang greiðanda, heimilisfang viðtakanda, netfang og símanúmer.

- Fjárhagsupplýsingar s.s. bankareikningur og upplýsingar um kortanúmer.

- Færsluupplýsingar eru upplýsingar um greiðslur til og frá kreditkorti eða debitkorti eða aðrar upplýsingar um þá þjónustu sem þér er veitt og Teya kemur að sem færsluhirðir eða þjónustuaðili við útgefendur. Upplýsingar eins og persónulegur bankareikningur, nafn seljanda og heimilisfang, dagsetning og heildarfjárhæð færslunnar og aðrar upplýsingar sem fjármálafyrirtæki eða seljandi veita þegar við komum fram fyrir þeirra hönd. Við höfum sem færsluhirðir að öllu jöfnu ekki aðgang að upplýsingum um nafn korthafa eða að öðrum tengiupplýsingum. Þetta á þó ekki við þegar greiðslukortið er gefið út af Teya eða Teya gefur kortið út fyrir þriðja aðila, en þá höfum við aðgang að upplýsingum um nafn korthafa og tengiliðaupplýsingar hans. Eðli máls samkvæmt geta færsluupplýsingar flokkast sem viðkvæmar persónuupplýsingar, s.s. þegar færsla getur gefið upplýsingar um trúarbrögð eða aðrar lífsskoðanir, upplýsingar er varða kynlíf einstaklings eða kynhneigð, stjórnmálaskoðanir, þátttöku í stéttarfélagi og heilsufarsupplýsingar.

- Upplýsingar vegna endurgreiðslu þ.e. kröfur frá þér um endurgreiðslu og aðrar tengdar upplýsingar.

- Tæknilegar upplýsingar það er veffang tölvu (e. Internet protocol address (IP)), aðgangsupplýsingar, tegund og útgáfa vafra, tímastillingar og staðsetningargögn útgáfa af hugbúnaðarviðbótum í vafra, stýrikerfa og annarrar tækni á þeim tækjum sem þú notar til að fara inn á vefsíður okkar.

- Upplýsingar um notkun, það er upplýsingar um hvernig þú notar vefsíður okkar, vörur og þjónustu.

- Markaðs- og tengiliðaupplýsingar, það er val þitt um að fá sent markaðsefni frá okkur og þriðju aðilum (samstarfsaðilum okkar) sem og samskiptaleiðir.

- Aðrar upplýsingar sem þú velur að láta okkur hafa. Þú getur hafa valið að veita okkur aðrar upplýsingar, eins og mismunandi gerðir af efni (t.d. myndir, greinar, athugasemdir), efni sem þú gerir aðgengilegt á samfélagsmiðlum eða aðild hjá þriðju aðilum, eða aðrar upplýsingar sem þú vilt deila með okkur.

- Upplýsingar í atvinnuumsókn eins og tengiliðaupplýsingar (nafn, heimilisfang, netfang og símanúmer), upplýsingar um atvinnuferil, námsferil, meðmælendur og aðrar þær upplýsingar sem þú kýst að setja með umsókn þinni um starf hjá Teya.

- Að auki söfnum við eða notum, eftir því sem þörf krefur, persónuupplýsingum til að koma í veg fyrir svik, vegna svikavaktar eða við áhættustýringu, til að verjast endurkröfum og í öðrum tengdum tilgangi. Slíkar upplýsingar geta m.a. verið persónuleg reikningsnúmer, nafn og staðsetning seljanda, dagsetning og heildarfjárhæð færslna, IP-tölur, svikahlutfall, staðsetningargögn, upplýsingar um seljanda, keyptar vörur og upplýsingar sem tengjast endurkröfum.

- Upplýsingar sem safnast við rafræna vöktun: hljóð- og myndbandsupptökur sem safnað er með eftirlitsmyndavélum á starfsstöð félagsins eða með hljóðritun símtala.

Við söfnum einnig, notum og deilum samanteknum gögnum, svo sem gögnum í tölfræðilegum eða lýðfræðilegum tilgangi. Samantekin gögn geta verið unnin út frá persónuupplýsingum þínum en teljast ekki persónugreinanleg gögn samkvæmt lögum þar sem gögnin leiða ekki í ljós beint eða óbeint auðkenni þitt. Til dæmis, getum við tekið saman notkunargögnin til að reikna út hlutfall notenda sem fá aðgang að tiltekinni virkni vefsíðna. Hins vegar, ef við sameinum eða tengjum samantekin gögn með persónuupplýsingum á þann hátt að þau beint eða óbeint auðkenna þig, þá meðhöndlum við samantekin gögn sem persónuupplýsingar sem verða notaðar í samræmi við þessa persónuverndarstefnu.

IV. Hvernig persónuupplýsingum er safnað

Við notum mismunandi aðferðir til að safna gögnum frá þér og um þig, þ.m.t:

- Með beinum hætti. Þú getur gefið okkur auðkenni þitt, tengiliða- og fjárhagsupplýsingar með því að fylla út eyðublöð eða með því að hafa samband við okkur með pósti, síma, tölvupósti, netspjalli eða á annan hátt. Þetta á við um persónuupplýsingar sem þú gefur upp þegar þú:

- sækir um vöru eða þjónustu hjá okkur;

- notar þjónustu okkar, eins og vefposa;

- gerðist áskrifandi af þjónustu okkar eða útgáfu;

- óskar eftir að markaðsefni sé sent á þig;

- þegar þú gerir athugasemdir við þjónustu okkar.

- Frá seljendum og þriðju aðilum þegar þú sem viðskiptavinur notar greiðslukort við kaup á vörum og/eða þjónustu og seljandi sendir færslu til Teya til að sækja um heimild, senda inn fjárhagsfærslu og fá uppgjörsfærslu.

- Sjálfvirk tækni eða samskipti. Þegar þú notar vefsíður okkar, getum við sjálfkrafa safnað gögnum um tækjabúnað þinn, vafra notkun þína og mynstur. Við söfnum þessum upplýsingum með því að nota vefkökur, aðgangsskráningar eða aðra tækni. Við kunnum einnig að fá persónuupplýsingar um þig ef þú heimsækir aðrar vefsíður sem nýta sér vefkökur okkar.

- Þriðju aðilar eða samfélagsmiðlar. Við kunnum að fá persónuupplýsingar um þig frá ýmsum þriðju aðilum og opinberum aðilum eins og tilgreint er hér að neðan:

- Auðkennis- og tengiliðaupplýsingar frá opinberum aðilum eins og Fyrirtækjaskrá og Þjóðskrá auk gagna frá upplýsingaaðilum og þriðju aðila vefsíðum eins og Google, Facebook og Whois sem staðsettir er utan ESB/EES.

V. Hvernig við notum persónuupplýsingarnar þínar

Við munum aðeins nota persónuupplýsingar þínar þegar það er heimilt samkvæmt lögum um persónuvernd. Við notum persónuupplýsingar þínar við eftirfarandi kringumstæður:

- Í þeim tilvikum sem það er nauðsynlegt vegna framkvæmdar samnings sem þú ert að fara eiga aðild að eða átt aðild að.

- Í þeim tilvikum sem það að framkvæma færslur er skilyrði þess að við uppfyllum samning sem þú hefur gert, eða ert að fara að gera, við seljanda eða aðra þriðju aðila og sem krefst þess að unnið sé með færsluupplýsingar þínar.

- Þar sem það er nauðsynlegt vegna lögmætra hagsmuna okkar (eða þriðja aðila) og hagsmunir þínir og grundvallarréttindi þín vega ekki þyngri en hagsmunir okkar, til að tryggja öryggi og efndir á vörum okkar og þjónustu, til að verjast gegn og koma í veg fyrir svik og til að ópersónugreina persónuupplýsingar og framkvæma gagnagreiningu.

Lögmætir hagsmunir þýða hagsmunir Teya til að framkvæma og stjórna atvinnustarfsemi svo veita megi þér sem besta þjónustu/vöru og góða og örugga neytendaupplifun. Við tryggjum að litið er til og metin eru möguleg áhrif á þig (bæði jákvæð og neikvæð), og réttinda þinna áður en við vinnum persónuupplýsingar vegna lögmætra hagsmuna okkar. Við notum ekki persónupplýsingar þínar við vinnslur þar sem hagsmunir þínir vega þyngra en hagsmunir okkar (nema fyrir liggi samþykki þitt eða slíkrar vinnslu er krafist eða hún er heimil samkvæmt lögum).

Almennt styðjumst við ekki við samþykki sem grundvöll vinnslu á persónuupplýsingum þínum nema við útsendingu markaðsefnis beint á netfang þitt eða með sms. Þú hefur rétt á að draga samþykki þitt til baka hvenær sem er með því að senda okkur tölvupóst á netfangið dataprivacy@teya.com

Tilgangur fyrir notkun persónuupplýsinga

Hér að neðan höfum við sett upp töflu með lýsingu á því hvernig við fyrirhugum að nota persónuupplýsingar þínar, og á hvaða lögmæta grundvelli við byggjum. Við höfum einnig skilgreint, þar sem það á við, hverjir eru okkar lögmætu hagsmunir.

Athugið að vinnsla persónuupplýsinga þinna getur byggst á fleiri en einum lögmætum grundvelli eftir því hvaða sérstaki tilgangur er fyrir notkun upplýsinganna. Vinsamlegast hafðu samband við okkur ef þig vantar frekari upplýsingar. Upplýsingar um sérstakan lagagrundvöll sem við styðjumst við við vinnslu persónuupplýsinga má finna í töflunni hér að neðan.

Til stofna þig sem nýjan viðskiptavin

Tegund upplýsinga:

(a) Auðkenni (b) Fjárhagsupplýsingar (c) Tengiliður.